«Бәріміз бірдейміз - кемсітуді білмейміз» алғашқы республикалық конкурс сайтының құрылғаны туралы

Ағымдағы  жылдың шілде айында «ЖҚЖ АТО» АҚ-ның мамандары  мүмкіндіктері шектеулі адамдардың, балалардың, жастардың, мүгедектер құрған қоғамдық бірлестіктердің арасындағы «Бәріміз бірдейміз - кемсітуді білмейміз» алғашқы республикалық конкурстың жаңа сайтын іске қосты (www.rav.enbek.gov.kz).

Конкурстың негізгі мақсаты – мүмкіндіктері шектеулі адамдардың шығармашылық әлеуетін дамытуға және өзін-өзі танытуға жәрдемдесу, қоғамға мүгедектерді етене араластырудың тиімді тәжірибесін қолдану. Конкурс Қазақстан Республикасында мүгедектерді өмір сүру сапасын жақсарту және құқығын қамтамасыз ету бойынша іс-шаралар жоспарын іске асыру шеңберінде өткізіледі. «Бәріміз бірдейміз - кемсітуді білмейміз» алғашқы республикалық конкурстың іріктеу турлары аймақтарда ағымдағы жылдың маусымнан қыркүйекке дейінгі аралықта Ережеге сәйкес өтеді. Осы конкурсқа 18 жастан 45 жасқа дейінгі мүмкіндіктері шектеулі адамдар, мүліктің жалғыз иесі мүгедектердің қоғамдық бірлестіктері болып табылатын жастардың қоғамдық бірлестіктері, мүгедектердің қоғамдық ұйымдары қатысады. Айдарға жұмыспен қамту уәкілетті органдары (ЖҚУО) ұсынған мәліметтер күнделікті жарияланып отырлады. «Еңбек» ақпараттық қорында  «Бәріміз бірдейміз - кемсітуді білмейміз» алғашқы республикалық конкурс сайтының баннері мен сілтемесі орналасқан.

19.08.2014
257