Қазақстан халықтарының тілдері күні мерекесіне орай «Тіл мәртебесі - ел мәртебесі» атты мерекелік байқаудың өтілуі туралы ақпарат

2014 жылдың 2 қазаны күні Қазақстан Республикасы Денсаулық сақтау және әлеуметтік даму министрлігінің Жұмыспен қамту проблемалары жөніндегі ақпараттық-талдау орталығының қызметкерлері Қазақстан халықтарының тілдері күні мерекесіне орай «Тіл мәртебесі - ел мәртебесі» атты мерекелік байқау өткізді.

Байқаудың мақсаты - ұлттық руханиятымыздың өзегі, мемлекетіміздің тілі – қазақ тілінің мерейін көтеру, әдебиетіміз бен мәдениетімізді насихаттау, өз ұлтына, еліне деген сүйіспеншілігін ояту. Қазақстан мемлекетінде тұратын барлық халықтардың тілдерін құрметтеу болып табылды.

«Тіл мәртебесі - ел мәртебесі» атты мерекелік шараны Орталықтың Президенті Дәуітова Алма Батталқызы салтанатты ашып, өз сөзінде халықтың тәуелсіздігінің ең басты белгісі – оның ана тілі екендігін және Тіл туралы Заңымыз  қабылданып, Елбасы Н.Назарбаевтың 1998 жылғы 20 қаңтардағы Жарлығына сәйкес «22 қыркүйек – Қазақстан халықтарының тілдері күні» ретінде аталып келетіндігін айтып өтті. Оны құрметтеп, қорғау, келешек ұрпаққа жеткізу, Қазақстанның бақытты да парасатты, білімді де еңбекқор ұл-қыздарына, яғни біздерге ғасырлар бойы ата-бабаларымыздан жеткен аманат.

Байқау 5 кезеңнен тұрды: 

1.     Таныстыру (топтың аты, топ басшысы, ұраны).

2.     «Білімді мыңды жығар» (сұрақ-жауап).

3.     «Тілім менің-тірлігім» (дайын хатты қазақ тіліне аударып жазу).

4.     «Өнерлінің өрісі кең» (әр топтың өнерлерін тамашалау).

5.     «Мақал – сөздің мәйегі» (мақалдарды жалғастыру).

Мерекелік шараға Жұмыспен қамту проблемалары жөніндегі ақпараттық-талдау орталығының барлық қызметкерлері белсене қатысып, өзерінің тіл туралы білімдерін ортаға салды.

Байқаудың әділ қазылар мүшелері қатысушылардың шығармашылық өнерлеріне әділ бағасын берді. І-орынды  «Алаш» тобы, ал  ІІ- орынды «Жаңа ғасыр» мен «Жалын» топтары иеленді.

Жеңімпаздар Орталықтың грамотасымен, ал өнерімен ерекше көзге түскен қызметкерлер Алғыс хатпен және сыйлықтармен марапатталды.

Мерекелік шара қызметкерлердің ән шашуымен жалғасты. 

17.06.2015
449