Қазақстан әлеуметтік саласындагы ақпаратты-коммуникациялық технологиялар жетістіктерін көрсетті

2-4 қыркүйекте Тәуелсіздік сарайында «Әлеуметтік қамсыздандырудың мақсаттарына жетудегі АКТ саласының стандарттары мен бірыңғай шешімдерін қабылдау жолдары» атты ХӘҚҚ-ның ақпараттық және коммуникациялық технологиялар саласындағы Халықаралық XIV конференциясы өтті. 

Шараға ҚР Мемлекеттік хатшысы Гүлшара Әбдіхалықова, ҚР Денсаулық сақтау және әлеуметтік даму министрі Тамара Дүйсенова, ҚР Парламентінің депутаттары, мемлекеттік органдардың және қоғамдық ұйымдардың өкілдері, сондай-ақ әлеуметтік қамтамасыз ету саласындағы халықаралық сарапшылар қатысты.

Конференция барысында әлеуметтік қамтамасыз ету ұйымдарындағы АКТ-ның біріктірілген, бұқаралық жүйелері қарастырылып, әлеуметтік қамтамасыз ету саласындағы АКТ негізінде бірыңғай стандарттар мен шешімдерді қабылдау мәселелері талқыланды.

Конференция жұмысын ашқан Гүлшара Әбдіхалықова Қазақстанның халыққа мемлекеттік қызметтерді ұсынуда заманауи ақпараттық-коммуникациялық технологияларды қолдана отырып, бірқатар жетістіктерге қол жеткізгенін мәлімдеді. 2014 жылдың қорытындысы бойынша БҰҰ рейтингінде электронды үкімет дамуы бойынша 193 мемлекет арасынан Қазақстан 28 орынға ие болды. 

 

ҚР Денсаулық сақтау және әлеуметтік даму министрі Тамара Дүйсенова конференция қатысушыларына ҚР денсаулық сақтау және әлеуметтік қамсыздандыру салаларындағы АКТ-ны қолдану туралы мәлімет берді. Сонымен қатар, 2020 жылға қарай пациент пен медициналық қызметшінің сұранысына бағытталған қауіпсіз, әділетті, сапалы және тұрақты денсаулық сақтау жүйесін қамтамасыз ететін заманауи, өзекті, толық әрі нақты ақпаратты автоматты түрде алуды қамтамасыз ету жоспарланып отырғандығын хабарлады.

АКТ  жұмыспен қамту саласындағы мүмкіншіліктерін  «Жұмыспен қамту проблемалары жөніндегі ақпараттық-талдау орталығы» АҚ-ның Вице-президенті А.Дәуітова «Жұмыс» интернет-порталы туралы презентациясында көрсетті. Сайттың негізгі міндеті – жұмыс іздеушілерге жаңа лайықты жұмыс іздеуге, ал жұмыс берушілерге – қызметкердерді іздеуге көмектеседі. Күн сайын Казақстаннын әр аймағынан қолданушылар порталда өз түйіндемелері және бос жұмыс орын туралы мәліметтерін тіркейді. Портал дерекқорында барлық салалардың тек өзекті жариялымдары, түрлі мамандықтар, еңбекақы турлы мәліметтер де бар.

Конференция аясында «Қазақстанның әлеуметтік саласындағы ақпараттық-коммуникациялық технологиялар» атты көрме ұйымдастырылды. Көрме барысында республикада тұңғыш рет қолданушы өзінің дене қимылы арқылы технологиямен әрекеттесетін байланыссыз сенсорлы бейне-қабырға - Kinect (кинект) ұсынылды. Экранда адамның өмірлік кезеңдері – қазақ мәдениетіне сәйкес мүшел жас шақтары мысалға келтірілді (Сәби, бала, Жігіт, Азамат, Аға, Ақсақал), сонымен қатар, олардың әрқайсысына «электронды үкімет» жүйесімен, әрбір кезең өзінің қызмет түрлерімен (мысалы, Сәби кезеңі үшін – туылған баланы тіркеу, төлемақы алу т,б,) бірге қоса ұсынылады.

 

04.09.2015
664