ҚР Еңбек және халықты әлеуметтік қорғау министрлігінің кеңейтілген алқа отырысына қатысу

Бүгін Қазақстан Республикасы Еңбек және халықты әлеуметтік қорғау министрлігінің кеңейтілген алқа отырысында ведомствоның 2013 жылғы жұмысы қорытындыланып, Мемлекет басшысының «Қазақстан жолы - 2050: Бір мақсат, бір мүдде, бір болашақ» Қазақстан халқына Жолдауын іске асыру аясында әлеуметтік-еңбек саласын дамытудағы негізгі міндеттер талқыланды.

Алқа жұмысына Қазақстан Республикасы Премьер-Министрінің орынбасары Г. Әбдіқалықова, Қазақстан Республикасының Еңбек және халықты әлеуметтік қорғау министрі Т. Дүйсенова, Қазақстан Республикасы Парламентінің депутаттары, Президент Әкімшілігінің, Ұлттық Банктің, Бірыңғай жинақтаушы зейнетақы қорының өкілдері, мемлекеттік органдардың басшылары, облыс әкімдерінің орынбасарлары, қаржылық және халықаралық институттардың, үкіметтік емес және кәсіподақтар ұйымдарының өкілдері және т.б. қатысты.

Министр Т. Дүйсенова Мемлекет басшысының «Қазақстан жолы - 2050: Бір мақсат, бір мүдде, бір болашақ» Қазақстан халқына Жолдауындағы тапсырмаларға орай 2014 жылға арналған басты міндеттерді белгілеп берді.

Сонымен қатар, алқа жұмысында «Жұмыспен қамту проблемалары жөніндегі ақпараттық-талдау орталығы» АҚ-ның Президенті А.Дәуітова «Жұмыс» интернет-порталының ( www.enbek.kz ) мүмкіндіктерімен таныстырды. Порталдың негізгі мақсаты жұмыскерлер мен жұмыс іздеушілер, жұмыспен қамту органдарына мәлімдеген жұмыс берушілердің бос жұмыс орындары және порталда өз еркімен жариялаған жұмыс берушілер жөнінде мәліметтерді, сондай-ақ жұмыспен қамту жеке агенттіктердің бос жұмыс орындары жөніндегі ақпараттарды бір жерге шоғырландыру. «Жұмыс» ақпараттық порталында барлығы 50-ден астам бос жұмыс орындары мен жұмыс іздеушілердің түйіндемесі орналасқан. Және презентация соңында Павлодар облысының - ПФ ТОО «KSP Steel», Шығыс Қазақстан облысының - ТОО «ДОК-С» және Астана қаласының - ТОО «Сағым» мекемелерінің жұмыс берушілері онлайн-режимінде «Жұмыс» порталы жөніндегі пікірлерімен, ұсыныстарымен және тілектерімен белсенді пайдаланушылар тарапынан бөлісті.

 

17.06.2015
327