Кәсіптік біліктілік жөніндегі Ұлттық органның (бұдан әрі – ҰБО) басшысы Ерасыл Жұманбаев «Орталық Азия – Еуроодақ: мамандарды даярлау сапасын арттыру саласындағы ынтымақтастықтың перспективалық бағыттары» атты халықаралық конференция барысында Қазақстандағы ұлттық біліктілік жүйесін (бұдан әрі – ҰБЖ) дамыту туралы айтты.
Жаңалықтар және оқиғалар
«Еңбек ресурстарын дамыту орталығы» АҚ Яндекс Қазақстанмен онлайн-оқытуды дамыту бойынша бірлескен жұмысты бастады, нәтижесінде Skills Enbek платформасында қолжетімді курстар саны артады.
Ынтымақтастық ел азаматтарына қосымша мүмкіндіктер беруге және IT саласында жаңа дағдыларды игеру үшін қолжетімді курстар базасын кеңейтуге бағытталған.
ҚР Еңбек және халықты әлеуметтік қорғау министрлігі мемлекеттік органдар жанынан құрылған кәсіптік біліктілік жөніндегі салалық кеңестердің ұсыныстары негізінде 496 кәсіпті қамтитын кәсіптік біліктілікті міндетті және ерікті негізде тану үшін бірінші Кәсіптер тізілімін қалыптастырды. Құжатпен Career Enbek цифрлық платформасында танысуға болады, онда кәсіптік біліктілікті тану орталықтарын аккредиттеу бойынша жаңа функционал іске қосылды.
Ұлттық біліктілік жүйесін (бұдан әрі – ҰБЖ) дамыту шеңберінде ҚР Еңбекмині жанындағы Кәсіптік біліктілік жөніндегі ұлттық орган мемлекеттік органдар мен жұмыс берушілер қауымдастықтары үшін оқыту семинарларының кезекті легін ашты.
Бірінші семинарға түрлі министрліктерден, жергілікті атқарушы органдардан, «Атамекен» ҰКП және ӨКП, жұмыс берушілер қауымдастығынан, білім беру және т. б ұйымдардан 70-тен астам адам қатысты.
ҚР Еңбекмині жанындағы Кәсіптік біліктілік жөніндегі ұлттық орган кәсіптік біліктілік бойынша салалық кеңестер құру, мемлекеттік органдар өкілдері үшін салалық біліктілік шеңберлерін (бұдан әрі – СБШ) және кәсіптік стандарттарды (бұдан әрі – КС) әзірлеу бойынша семинарлар циклін өткізуді аяқтады. 19 орталық мемлекеттік органның қызметкерлері үшін барлығы 4 семинар өткізіліп, оған 113 сарапшы қатысты.