Қазақстанда уақытша жұмыссыз азаматтардың саны 145 мың адамға қысқарды

Қазақстанда 2020 жылдың 3-тоқсанында жұмыспен уақытша қамтылмаған азаматтардың саны 145,4 мың адамға азайды. Егер 2-тоқсанда бұл санатқа жарты миллионнан астам адам кірген болса, шілде мен қыркүйек аралығында жұмыста уақытша болмағандар саны 390,3 мың адамды құрады.

Бұл ретте 2019 жылдың ұқсас кезеңімен салыстырғанда бұл көрсеткіш 2 еседен астам ұлғайған – өткен жылы ол 162,7 мың адамды құрады.

«Карантин кезеңінде қосымша шектеу шараларын енгізуді ескергенде, жұмыста уақытша болмаған азаматтар санының өсуі қисынды. Сонымен бірге, осы санаттағы динамикаға шектеу шараларының біртіндеп әлсіреуі және 3-тоқсанда жұмысқа ішінара оралу оң әсер етті», – деп атап өтті «ЕРДО» АҚ Стратегия және жобалық басқару департаментінің директоры Александра Молчановская.

Сондай-ақ сарапшы ағымдағы жылдың 3-тоқсанында «жұмыспен уақытша қамтылмағандардың» (уақытша жұмыста болмағандардың) үштен бір бөлігі «қызметін уақытша тоқтата тұру» себебінен жұмыс істемегенін хабарлады.

Бұдан басқа, толық жұмыспен қамтылмағандардың саны бір жарым есеге, ал ең аз уақыт (аптасына 10 сағаттан аз) жұмыс істейтіндердің саны 2020 жылдың бірінші тоқсанымен салыстырғанда 2,7 есеге және жұмыспен қамтылған халықтың саны (8,7 млн. адам) іс жүзінде толық сақтала отырып, өткен жылдың үшінші тоқсанымен салыстырғанда екі есеге өсті.

«Біз басқа елдердегі жағдайды мұқият бақылаймыз. Қазақстанда халықты қолдау шаралары басқа елдерге қарағанда нашар емес, кейде тіпті жақсы деп те санаймыз. Мемлекеттік бағдарламалар, соның ішінде дағдарысқа қарсы бағдарламалар бұрынғы көлемде болмаса да, халыққа кірістерін сақтауға мүмкіндік береді», – деп қорытындылады Александра Молчановская.

25.11.2020
127