Қазақстанның еңбек нарығында біртіндеп қалпына келу үрдісі байқалады

«Еңбек ресурстарын дамыту орталығы» АҚ (бұдан әрі – ЕРДО) деректері бойынша 2020 жылдың соңына жұмыспен қамту орталықтарында тіркелген жұмыссыздар саны жұмыс күші санының 1,5% - ын, яғни 141,8 мың адамды құрады.

Тіркелген жұмыссыздықтың ең жоғары деңгейі БҚО (4%), Атырау (3,3%) және Қызылорда (2,9%) облыстарында байқалады.

Бұл ретте 2021 жылдың басындағы жалпы жұмыссыздық көрсеткіші
4,9%-ды құрады, бұл 2020 жылғы 3-тоқсанмен салыстырғанда 0,1 пайыздық тармаққа төмен. Жалпы және тіркелген жұмыссыздық арасындағы айырмашылық оларды есепке алу әдіснамасымен түсіндіріледі, барлық жұмыссыз жұмыспен қамту орталықтарында тіркелгісі келмейді, өз бетінше жұмыс іздеуді қалайды.

 «Өткен тоқсанмен салыстырғанда, 2020 жылғы 4-тоқсанда жұмыссыздар саны 453 мың адамға дейін – 1,8 мыңға төмендеді, алайда 2019 жылдың осы кезеңімен салыстырғанда жұмыссыздар саны 11,6 мыңға жоғары, бұл ретте жастар арасындағы жұмыссыздықтың қысқарғанын атап өтуге болады:
2019 жылғы 4-тоқсандағы 81,1 мың адамнан өткен жылдың соңында 76,6 мыңға дейін», – деді ЕРДО Стратегия және жобалық басқару департаментінің директоры Александра Молчановская.

Ол сондай-ақ, Қазақстандағы эпидемиологиялық жағдайдың жақсаруы және экономикалық белсенділіктің қалпына келуі адамдарды бұрынғы жұмыс режиміне біртіндеп қайтару есебінен белсенді жұмыспен қамтылмаған адамдар санының қысқаруына ықпал еткенін атап өтті. Осылайша, уақытша жұмыспен қамтылмағандардың саны (кәсіпорынның қызметін тоқтата тұру немесе жұмыс берушінің бастамасы бойынша жұмыс істемеген адамдар) 147 мың адамға дейін қысқарды, 2020 жылғы 2-тоқсанда 536 мың адам болды. Алайда, 2019 жылдың соңындағы жағдаймен салыстырғанда, 2020 жылдың 4-тоқсанында бұл санатта 48 мың адамға көп.

ЕРДО мәліметтері бойынша, белсенді жұмыспен қамтуға қатысушылар санының артқаны байқалады: 2020 жылғы 4-тоқсанда жұмыспен қамтылғандардың саны 3-тоқсанмен салыстырғанда 0,4%-ға (31,3 мың адам) өсіп, 8,75 млн адамды құрады.

4-ші тоқсанда жалдамалы жұмыскерлердің саны 0,3%-ға (676 мың), өзін-өзі жұмыспен қамтығандардың саны 0,4%-ға (2,1 млн) ұлғайды.

Өткен жылдың соңындағы деректер бойынша Экономикалық қызмет түрлері бөлінісінде жұмыспен қамтылғандардың 54,9% (4,8 млн) сауда, ауыл шаруашылығы, білім беру және өнеркәсіп салаларында еңбек етеді. Бұл ретте, 2019 жылдың соңындағы деректермен салыстырғанда, жұмыспен қамтудың ең көп қысқаруы тұру және тамақтану бойынша қызметтер (-12,1%), өнер және ойын-сауық (-5,8%), Көлік және қоймалау (-3,7%), әкімшілік және қосалқы қызмет көрсету (-3,1%) және кәсіби және ғылыми қызмет (-3%) сияқты секторларда байқалады.

Бұл ретте, бір жылдық кезеңде де, тоқсан ішінде де 2020 жылдың соңында: жылжымайтын мүлік (+9,2%), басқа да жеке қызметтер (+6,8%), қаржы және сақтандыру (+3,9%) және денсаулық сақтау (+3,8%) операцияларымен байланысты салаларда жұмыспен қамтылғандар санының өсуі байқалады.

«Жоғарыда аталған салаларда жұмыспен қамтудың төмендеуі шектеу шараларының аясында күтілуде. Бұл салалар ең көп зардап шекті, енді біртіндеп қалпына келтіру жалғасуда», – деп қорытындылады Александра Молчановская.

19.02.2021
44