"Жұмыс" порталының презентациясы

2013 жылдың 3-4 қазанында Қазақстан Республикасы Еңбек және халықты әлеуметтік қорғау министрі Т.Дүйсенова Алматы облысына жұмыс сапарымен 2012 жылдың 14 желтоқсандағы  Қазақстан Республикасының Президенті Н.Ә. Назарбаевтың Қазақстан халқына Жолдауындағы негізгі ережелерін түсіндіру жөнінде ақпараттық-насихаттау  жұмыстарын өткізіп, зейнетақы жүйелерін модернизациялау, «Жұмыспен қамту 2020 жол картасы» бағдарламасы және «Кәсіподақтар туралы» заң жобасын іс-шаралар шеңберінде мәлімдеді. 

Жұмыс сапар барысында облыс тұрғындарымен,  жастармен,  бастапқы кәсіптік білім өкілдерімен және жұмысқа орналастыру бойынша жеке агенттіктермен, сондай-ақ Алматы облысының ауыл әкімдерімен кездесті.

Кездесулер барысында «Жұмыспен қамту проблемалары жөніндегі ақпараттық-талдау орталығы» АҚ-ның Президенті А.Дәуітова «Жұмыс» интернет-порталының мүмкіндіктерімен таныстырды. Портал жақын арада іске қосылып, интернет-қолданушылар арасында кеңінен таралды. Презентация барысында бірнеше жұмыс іздеуші азаматтар онлайн-режимінде порталға бос жұмыс орындары туралы ақпараттар енгізген жұмыс берушілермен сөйлесіп,  жұмысқа қабылдау жөнінде келісімге келді.