ҚР Денсаулық сақтау және әлеуметтік даму министрлігінің 2014 жылдың қорытындылары мен 2015 жылға арналған мақсат-міндеттері талқыланған алқа мәжілісінің кеңейтілген отырысы

    Бүгін 17.02.2015ж.  ҚР Денсаулық сақтау және әлеуметтік даму министрлігінің 2014 жылдың қорытындылары мен 2015 жылға арналған мақсат-міндеттері талқыланған алқа мәжілісінің кеңейтілген отырысында Министр Тамара Дүйсенова мәлімдеді.
     Іс-шараға ҚР Премьер-Министрінің орынбасары Бердібек Сапарбаев, ҚР Президенті әкімшілігінің, «Нұр Отан» патиясының, ҚР Ұлттық банкінің, мемлекеттік органдардың, «Атамекен» ұлттық кәсіпкерлер палатасының өкілдері, облыстар, Астана мен Алматы қалалары әкімдерінің орынбасарлары қатысты. 
    Алқа мәжілісін ашқан ҚР Денсаулық сақтау және әлеуметтік даму министрі Тамара Дүйсенова ағымдағы жылғы 11 ақпанда өткен Үкіметтің кеңейтілген отырысында Мемлекет басшысы халықты жұмыспен қамту және әлеуметтік міндеттемелерді сақтауға тапсырма бергенін еске салды.
     Сондай-ақ, алқа мәжілісінің кеңейтілген отырысы барысында «Жұмыспен қамту проблемалары жөніндегі ақпараттық-талдау орталығы» АҚ Президенті А.Б.  Дәуітова «Жұмыс» ақпараттық порталын (www.enbek.kz) таныстырды.
    Порталдың басты мақсаты: Республика бойынша жұмыс және жұмыскерлерді іздеу, бос жұмыс орындары туралы ақпараттар ұсыну, оның ішінде жергілікті жұмыспен қамту органдарына жұмыс берушілер мәлімдеген, Порталда өз еркімен жариялаған, еліміздегі жеке жұмыспен қамту агенттіктері жариялаған бос жұмыс орындары. «Жұмыс» ақпараттық порталында 30 мыңнан астам жұмыс берушілердің бос жұмыс орындары енгізілген және ҚР бойынша 50 мыңнан астам жұмыс іздеушілердің түйіндемелері орналастырылған.