«Еңбек ресурстарын дамыту орталығы» АҚ пен «Самұрық-Қазына» Корпоративтік университеті» ЖММ «Samruk Qyzmet» жобасы шеңберінде ынтымақтастық және өзара іс-қимыл туралы Меморандумға қол қойды

Меморандумдың мақсаты жұмыс іздеушілердің жұмыс іздеу дағдыларын арттыруға және оларды Қазақстан Республикасының барлық өңірлерінде қамтуды кеңейту үшін жан-жақты өзара қатынастарды нығайту және бірлескен қызметті жүзеге асыру, халықты жұмыспен қамту орталықтары қызметкерлерінің кәсіби біліктілігін арттыру болып табылады.

Жаңа серіктестік әр түрлі салаларындағы мамандарды www.qsamruk.kz сайтында ұсынылған «Самұрық-Қазына» АҚ және портфельдік компаниялардағы мансаптық мүмкіндіктер туралы ақпараттандыруға, «Электрондық еңбек биржасы» жұмысқа орналастыру жөніндегі мемлекеттік ақпараттық порталды (www.enbek.kz), онлайн режимде кәсіптік оқыту бойынша www.skills.enbek.kz платформасын және жұмыспен қамту саласындағы басқа да цифрлық платформаларды халық арасында танымал етуге бағытталған.

Қол қойылған құжат аясында «Samruk Qyzmet» платформасының және Enbek.kz жұмысқа орналастыру порталының жұмыс іздеушілері үшін бірлескен іс-шаралар өткізу және жариялау жоспарлануда.

Меморандум сондай-ақ халықты жұмыспен қамту орталықтарына жүгінетін жұмыс іздеушілер үшін және халықты жұмыспен қамту орталықтарының қызметкерлері үшін мансапты құру және дамыту, түйіндеме жасау және т.б. тақырыптар бойынша тегін оқыту және басқа да онлайн іс-шараларды өткізу бойынша ынтымақтастықты көздейді.

 

___________________________________________________________________________

Корпоративтік университет «Самұрық-Қазына» АҚ тобының мамандарын қайта даярлау және біліктілігін арттыру үшін құрылған.

«Samruk Qyzmet» платформасы «Самұрық-Қазына» АҚ-дағы және портфельдік компаниялардағы мансаптық мүмкіндіктер туралы ақпаратты қамтиды.

Электрондық еңбек биржасы (Enbek.kz) - жұмыс іздеу бойынша Қазақстандағы ең ірі бірыңғай цифрлық алаң. Оған халықты жұмыспен қамту орталықтары, жеке жұмыспен қамту агенттіктері, жұмыс іздеу бойынша интернет-алаңдар қосылған. Enbek.kz порталы «Е-қызмет» мемлекеттік қызмет порталымен және «Самұрық-Қазына» АҚ компаниялар тобының HR-порталымен біріктірілген.

Азаматтар Enbek.kz-те жұмыспен қамту саласындағы мемлекеттік қызметтерді онлайн форматта ала алады.

17.05.2022
67