ЕРДО өкілдері ХВҚ өңірлік семинарында қазақстандық еңбек нарығының ерекшеліктері туралы айтып берді

«Еңбек ресурстарын дамыту орталығы» АҚ (бұдан әрі – ЕРДО) өкілдері Халықаралық валюта қорының Кавказ, Орталық Азия және Моңғолия елдерінің әлеуетін дамыту өңірлік орталығының зерттеу семинарына қатысу шеңберінде «Қазақстандағы еңбек нарығы: цифрлық шындыққа жету жолында» атты ұлттық баяндамасын таныстырды.

Өз сөзінде ЕРДО вице-президенті Шалқар Байқұлақов цифрландырудың Қазақстанның еңбек нарығына әсерін талдау нәтижелерімен бөлісті, жұмыс орындарын автоматтандыру бойынша болжамдарға, қазақстандықтардың осы сын-қатерді қабылдау жөніндегі бүгінгі фрилансинг пен платформалық жұмыспен қамту сияқты өзекті стратегияларына егжей-тегжейлі тоқталды. Сонымен қатар, ол еңбек нарығының IT саласының мысалында сұранысқа ие дағдылар туралы да, болашақта қажет болуы мүмкін дағдылар туралы да айтты.

Сонымен қатар, ол фриланс және платформалық жұмыспен қамту саласын талдау нәтижелерімен бөлісті, сондай-ақ қызметкерлердің еңбек құқықтарын қорғау мақсатында оны заңнамалық реттеу бойынша қажетті шаралар туралы айтты.

«Жалпы, халықаралық сарапшылардың бағалауы бойынша, Қазақстан цифрландыруды дамыту әлеуеті бойынша перспективалы елдердің қатарында, бұл экономиканың ұзақ мерзімді трансформациясына пайдалы әсер етеді. Алайда, цифрлық экономиканы дамытудағы әлемдік көшбасшылардан артта қалу киберқауіпсіздік қатері, цифрлық теңсіздік немесе ауыл және қала тұрғындарының интернетке қолжетімділігі, сондай – ақ кадрлар тапшылығы сияқты бар кедергілерді жою бойынша жұмысты күшейту қажеттігін көрсетеді», - деді Шалқар Байқұлақов.

Семинар барысында қатысушылар білім беру жүйесін дамыту қажеттілігі, мамандардың қосымша біліктілік пен жаңа дағдыларды алу маңыздылығы, сондай-ақ Қазақстанда да, әлемде де еңбек нарығының басқа да заманауи үрдістері мен қажеттіліктері сияқты мәселелерді талқылады.