Мәжіліс депутаттарына ҰБЖ құралдарын енгізу барысы туралы айтып берді

ҚР Еңбек және халықты әлеуметтік қорғау вице-министрі Олжас Ордабаев ҚР Парламенті Мәжілісінің депутаттарымен кездесу өткізіп, онда Ұлттық біліктілік жүйесінің (бұдан әрі – ҰБЖ) базалық құралдарын енгізу барысы талқыланды.

Іс-шара Еңбек және халықты әлеуметтік қорғау, Ауыл шаруашылығы, Ғылым және жоғары білім министрліктерінің өкілдерінің, сондай-ақ тәуелсіз сертификаттау жүйесін енгізу жөніндегі сарапшылардың қатысуымен «Еңбек ресурстарын дамыту орталығы» АҚ базасында ҰБЖ дамыту жөніндегі жобалау кеңсесінде өтті.

Негізгі баяндамашы ретінде ҰБЖ дамыту жөніндегі жобалау кеңсесінің басшысы Ерасыл Жұманбаев сөз сөйледі, ол кәсіптік стандарттарды өзектендіру мен әзірлеудің негізгі сәттері, сондай-ақ жобалау кеңсесінің ағымдағы жұмысы туралы айтты.

«Жұмыс қорытындысы бойынша 2022 жылы 21 кәсіптік стандарт әзірленіп, 170 кәсіптік стандарт өзектендірілді. Биыл тағы 400-ге жуығын өзектендіру және әзірлеу жоспарлануда. Оларды қайта қарау және әзірлеу қажеттіліктерін анықтау, сондай-ақ бүгінгі күні біздің жобалық кеңсеміздің алаңында тұрақты әдіснамалық қолдау жүргізілуде», – деді ол.

Іс-шара барысында ҰБЖ дамыту бойынша жүргізіліп жатқан жұмыстар, түрлі салаларда кәсіптік стандарттарды қолдану, мұнай-газ саласы мысалында тәуелсіз сертификаттау жүйесін енгізу қарастырылды.

Мемлекеттік органдар мен сарапшылардың таныстырылымынан кейін депутаттар өздерін қызықтырған тақырыптар бойынша сұрақтар қойды.

Кездесуді қорытындылай келе, Олжас Ордабаев негізгі құралдарды енгізу мен ҰБЖ дамытудың перспективалары мен пайдасын атап өтті.

«Ең алдымен, бұл еңбек нарығы мен білім беру жүйесінің өзара байланысын нығайтуға, оқу орындары дайындайтын мамандардың тиісті деңгейін қолдауға және еңбек нарығы мен жұмыс берушілердің қажеттіліктеріне жедел ден қоюға мүмкіндік береді.

Егер бұрын оқыту барысында алған білімдер қосымша біліктілікті арттырусыз шамамен 10 жыл бойы өзекті болса, онда қазіргі жағдайда көптеген мамандықтар бойынша дағдылардың өзектілігі тек 2 жыл бойы сақталады», – деді Олжас Ордабаев.

Вице-министрдің айтуынша, ҰБЖ келесі сұрақтарға жауап береді: Қазіргі мамандар нені білуі керек және білуі? Бұл үшін оларға не және қалай үйрету керек? Олардың кәсіптік біліктілігін қалай тануға болады?

Осы сұрақтарға жауаптар Ұлттық қызметтер сыныптаушы, Ұлттық біліктілік шеңбері және оның негізінде әзірленген салалық біліктілік шеңберлері мен кәсіптік стандарттар сияқты құралдардың көмегімен қалыптастырылатын болады.

Олжас Ордабаев сондай-ақ ҰБЖ басқару моделін үш деңгей негізінде енгізу жоспарланып отырғанын атап өтті. Біріншісі – Ұлттық кәсіптік біліктілік кеңесі, ол ҰБЖ-ны стратегиялық басқаруға жауапты бірыңғай шешім қабылдау орталығына айналады. Екіншісі – өз саласын кәсіптік білікті кадрлармен қамтамасыз етуге жауапты салалық біліктілік жүйелерін қалыптастыруда жетекші рөл атқаратын мемлекеттік органдар жанындағы кәсіптік біліктілік жөніндегі салалық кеңестер. Үшінші деңгейде кәсіптік біліктіліктер бойынша ұлттық орган құру көзделеді, оның құзыретіне ҰБЖ бойынша әдістемелік және сараптамалық қолдау көрсету жөніндегі функциялар кіретін болады.

19.04.2023
118