Еңбек ресурстарын дамыту орталығы мен Жоғары білім беруді дамыту ұлттық орталығы ынтымақтастық туралы меморандумға қол қойды

ҚР Еңбек және халықты әлеуметтік қорғау министрлігінің «Еңбек ресурстарын дамыту орталығы» АҚ президенті Дәулет Арғындықов пен ҚР Ғылым және жоғары білім министрлігінің «Жоғары білім беруді дамыту ұлттық орталығы» ШЖҚ РМК директоры Айдос Мұхатаев Ұлттық біліктілік жүйесінің (бұдан әрі – ҰБЖ) базалық құралдарын енгізу шеңберінде ынтымақтастық туралы меморандумға қол қойды.

Құжат ҰБЖ іске асыруда және білім беру бағдарламаларын әзірлеу кезінде кәсіптік стандарттарды пайдалануда тараптардың өзара іс-қимылының тиімділігін арттыруға бағытталған.

Меморандум шеңберінде тараптар кәсіптік стандарттарды өзектендіру және әзірлеу қажеттілігін бірлесіп талқылайтын болады, сондай-ақ ҰБЖ және білікті кадрларды даярлау жүйесін әдіснамалық қолдауды қалыптастырады.

Ұлттық біліктілік жүйесінің барлық қатысушыларының тиімді өзара іс-қимылы, өзекті ақпаратқа еркін қол жеткізу үшін ҰБЖ дамыту жөніндегі бірлескен жұмыс топтары құрылады, кәсіптік стандарттар негізінде білім беру бағдарламаларын әзірлеушілер үшін жоғары білім беру саласында бірлескен вебинарлар, тренингтер және өзге де іс-шаралар өткізіледі.