Мұнай-газ, мұнай өңдеу және мұнай-газ химиясы салаларының кәсіптік біліктілігі бойынша салалық кеңес өтті

ҚР ЕХӘҚМ жанындағы Кәсіптік біліктілік жөніндегі ұлттық органның сарапшылары мұнай-газ, мұнай өңдеу және мұнай-газ химиясы салаларының кәсіптік біліктілігі жөніндегі салалық кеңестің жұмысына қатысты.

Іс-шараны Энергетика министрлігі аталған салаларда кәсіби саланы жетілдіру және жүйелі дамытуды жандандыру мақсатында ұйымдастырды.

Салалық кеңестің отырысына Энергетика, Цифрлық даму, инновациялар және аэроғарыш өнеркәсібі министрліктерінің, «ҚазМұнайГаз» ҰК АҚ, «KazTransOil» АҚ, «Норт Каспиан Оперейтинг Компани Н.В.», «Қарашығанақ Петролиум Оперейтинг Б. В.», «Теңізшевройл» ЖШС, «Отын-энергетикалық кешеннің Ситуациялық-талдау орталығы» АҚ», «ПетроҚазақстан Ойл Продактс» ЖШС, «KAZPETROL GROUP» ЖШС, «Сафи Өтебаев атындағы Атырау мұнай және газ университеті» КЕАҚ, «Қазақстан-Британ техникалық университеті» АҚ, Қ.Сәтбаев атындағы Қазақ ұлттық техникалық зерттеу университетінің, С. Мұқашев атындағы Атырау политехникалық жоғары колледжінің, «Қазақстандағы ҚҰМК Интернационал» ЖШС және салалық қауымдастықтар мен кәсіподақтардың өкілдері қатысты.

Кездесуде мұнай-газ, мұнай өңдеу және мұнай-газ химиясы салалары үшін салалық біліктілік шеңберлері мен кәсіптік стандарттарды әзірлеу және бекіту бойынша баяндамалар тыңдалды.

Кәсіптік біліктілік жөніндегі ұлттық органның сарапшысы Әлихан Қарабаев Кәсіптер тізілімін қалыптастыру және өзектендіру тәртібі туралы баяндап, кәсіптік біліктілікті тану жүйесін дамыту бойынша өзекті мәселелерді жан-жақты талдады.

Өткізілген іс-шара мұнай-газ, мұнай өңдеу және мұнай-газ химиясы салаларында кәсіби саланы жүйелі дамытуға және жетілдіруге бағытталған.