Жамбыл облысының жастарына Skills Enbek мүмкіндіктері таныстырылды

Таразда қаласында өткен «GOOGLE DEV FEST TARAZ 2023» (бұдан әрі – DevFest) алғашқы цифрлық фестивалі аясында «Еңбек ресурстарын дамыту орталығы» АҚ қызметкерлері Skills Enbek онлайн оқыту платформасының көрсетілімін өткізді.

DevFest-ке 500-ге жуық адам қатысты: Үндістаннан келген Google Vrijraj Singh және Kartik Derasari сарапшылары мен жаттықтырушылары, жоғары оқу орындарының, колледждер мен мектептердің оқытушылары, IT-бағыттардың студенттері, мектеп оқушылары, IT-компаниялардың және ел өңірлерінің IT-мектептерінің өкілдері.

DevFest барысында жасанды интеллект, цифрлық білім беру және деректерді талдау тақырыптарына арналған бірнеше панельдік сессиялар, сондай-ақ Жамбыл облысы үшін II өңірлік «ITII Hackathon-2023» ұйымдастырылды.

Skills Enbek платформасын ілгерілету және танымалдығын арттыру, сондай-ақ IT-серіктестермен және білім беру ұйымдарымен ынтымақтастық орнату қазақстандықтарға қолжетімді онлайн-курстардың базасын кеңейтуге және оларға қолжетімділікті жеңілдетуге мүмкіндік береді.