Мақсатты топтағы тұлғаларға әлеуметтік жұмыс орындарын ұйымдастыру туралы

     Қазақстан  Республикасында  жұмыссыздықтың қорғау шарасының бірі жергілікті бюджет қаражатынан ұйымдастырылған  әлеуметтік жұмыс орындарына мақсатты топтағы азаматтарды жұмысқа орналастыру болып табылады. Әлеуметтік жұмыс орны - мақсатты топтағы жұмыссыздарды жұмысқа орналастыра отырып, олардың еңбегіне жұмыс беруші ішінара өтемақы шығындарын төлейтін, жергілікті атқарушы органмен келісім шарт негізінде жұмыс беруші құратын жұмыс орны. 2011 жылдан бастап әлеуметтік жұмыс орны Жұмыспен қамту 2020 жол картасын іске асыру шеңберіндегі Республикалық бюджет қаражатынан ұйымдастырылады.

     Ағымды жылдың сегіз айы ішінде жергілікті атқарушы органдардағы әлеуметтік жұмыс орындарына 14,708 адам жұмысқа орналастырылды (Жұмыспен қамту 2020 жол картасына қатысушылар есебімен), соның ішінде - 46,6% - әйелдер, 12% - аз қамтылған азаматтар, 12,1% - 21 жасқа дейінгі жастар, 7% - мүгедектер, 5% - кәмелеттік жасқа толмаған баларады асырайтын жалғыз басты және көп балалы ата-аналар.

     Әлеуметтік жұмыс орындарына азаматтарды жұмысқа орналастыру бойынша жоғары қамтыған Павлодар облысында – 1 619 адам, Ақтөбеде – 1 527 адам, Оңтүстік Қазақстанда – 1 436 адам, Шығыс Қазақстанда - 1 219 адам, Жамбылда – 1 054 адам және Батыс Қазақстанда - 1 005 адам.

     Әлеуметтік жұмыс орындары төмен көрсеткіште ұйымдастырылған Астана қаласы – 113 адам, Атырау және Қызылорда облыстарында – 300 адамнан аса.

     Республика бойынша орташа бір жұмысшының еңбек ақысы 35 мың теңгені құрайды.

26.11.2015
276