«ЖҚЖК 2020» бағдарламасын жүзеге асыру кезінде халықты жұмыспен қамту орталықтарын бағалау әдістемесі

«Жұмыспен қамту  жол картасы 2020» мемлекеттік бағдарлама болып табылады. Оның міндеті халықты жұмыспен қамту деңгейін арттыру, халықтың әл-ауқатының артуына және жұмыссыздықтың азаюына ықпал жасау. Бағдарлама халықты жұмыспен қамту орталықтарымен жүзеге асырылады және оның құрамына белгіленген көрсеткіштерге жету үшін тартылған құралдардың кең таңдауы енеді. 2011 жылдан бастап 590 мыңнан артық адам Бағдарламаға қатысты, оның ішінде: 

  • 200 мыңнан артық адам (бұл шамамен 35%) мемлекеттік қолдау шараларынсыз, тікелей бос жұмыс орындарына орналастырылды.
  • 123 мың адам кәсіби оқыту бағдарламасының шеңберінде жаңа кәсіпті игеруге мүмкіндік алды, олардың ішінде 76%-ы тұрақты жұмыс орындарына орналастырылды
  • 172 мың адам (жастар, халықтың әлеуметтік тұрғыдан әлсіз тобы, біліктілігі төмен жұмыскерлер) еңбекақыны субсидиялау механизмін қолдану нәтижесінде жұмысқа орналастырылды, оларың ішінде 66%-ы тұрақты жұмыс орындарына орналастырылды.
  • 34 мыңнан артық адам жеңілдікті шарттар бойынша шағын несиелер алды және 32 мың қосымша жұмыс орындарын ашты
  • тағы 63 мың адам 4,7 мың инфрақұрылымдық жобаны дамыту барысында жұмысқа орналастырылды, олардың ішінде 54%-ы халықты жұмыспен қамту орталықтары арқылы жұмыс орындарын тапты
  • 17 мың адам (8 мыңы жұмысқа жарамды) экономикалық қолайсыз ауылдардан көшу мүмкіндігін алды, олардың 6 мыңнан артығы бірден жұмысқа орналастырылды.

ЖҚЖК 2020 бағдарламасының басқа мемлекеттік және салалық бағдарламалармен, аймақтарды дамыту бағдарламаларымен бірге жүзеге асырылуы жұмыссыздық деңгейіне оң әсерін тигізді. Осылайша, олардың жалпы саны 2015 жылдың 3-тоқсанындағы қорытындылар бойынша 4,9%-ға дейін кеміді (2010 жылғы деңгейден 0,9 п.т.төмен).  

Жүзеге асырылып жатқан жылдар ішінде жалпы Бағдарлама бойынша қатысушылар саны жоспарланған көрсеткіштерден жалпы саны 100 мыңнан жоғары адамға дейін артып кетті, бірақ өңірлердің барлығы да 100% атқаруды қамтамасыз етпеді, салдарынан қолданылған шаралардың нәтижелілігі ауданнан ауданға түрленіп отырды.

Осыған орай, республика өңірлерінде Бағдарламаның жүзеге асырылуын жан-жақты бағалауға мүмкіндік беретін, бағалау және сараптау құралын дайындау өте маңызды болып отыр.

ҚР Денсаулық сақтау және әлеуметтік даму министрлігінің тапсырысы бойынша (Бағдарлама операторы) «Жұмыссыздық мәселелері бойынша ақпараттық-сараптамалық орталық» АҚ-ы мамандары құрал ретінде халықты жұмыспен қамту орталықтары үшін нәтижеліліктің жиынтықты индексін (НЖИ) дайындады.

НЖИ жекелеген халықты жұмыспен қамту орталықтарының нәтижелерін бағалайды және салыстырады, түрлі өңірлердің түрлі деңгейлерде (облыс, қала, аудан) Бағдарламаны жүзеге асырудағы айырмашылықтарын айқын көруге мүмкіндік береді. НЖИ мәні әр өңірдің «визиттік картасы» және жекелеген халыққа қызмет көрсету орталықтырының ЖҚ 2020 ЖК орындаудағы жетістіктерінің әділ барометрі бола алады.

Пайдаланылатын көрсеткіштердің жалпы сипаттамасы, НЖИ есептеу әдістемесі мен құрылымы қосымша берілген файлда ұсынылған.

  • 2014 жылы Бағдарламаны орындау қорытындылары бойынша есептелген НЖИ негізінде халықты жұмыспен қамту орталықтарының рейтингі жасалған. Ол рейтинг ҚР Денсаулық сақтау және әлеуметтік даму министрлігінің және «Жұмыспен қамту мәселелері бойынша ақпараттық-сараптамалық орталық» АҚ  сайттарында 2016 жылдың қаңтар айында жарияланатын болады.
  • 2016 жылдың ақпан айында 2015 жылы Бағдарламаны жүзеге асыру нәтижелері ескеріле отырып, рейтингтің өзектілігі арттырылады.
19.01.2016
189