Жаңа ұлттық қызметтер жіктеуіші қолданысқа енгізілді

Қызметтерді жіктеу және қызметтер жіктеуіші не үшін қажет?

  1. еңбек нарығындағы барлық қолданыстағы қызметтерді топтау және еңбек нарығы бойынша қажетті статистикалық ақпараттарды одан ары іріктеу және талдау үшін.
  2. жиналатын статистика талданады және жұмыспен қамту, білім беру, көші-қон, шетелдік жұмыс күшін тарту және т.б. секілді түрлі салалардағы саясат үшін ақпараттық негіз болып табылады. Мысалға, жіктеуіш қызметтердің нақты түрлері шеңберінде мамандардың қажеттілігін анықтау және болжау жүйесін құруға мүмкіндік туғызады. Нәтижесінде, білім беру тапсырысы нарықтың нақты қажеттіліктерінен құрылуы мүмкін.
  3. жіктеуіш жұмыс берушілермен ұсынылатын бос орындар мен белгілі бір кәсіпке ие жұмыс іздеушілерді түйістіру бағытындағы жұмыспен қамту қызметінің жұмысын қамтиды.

Жаңа ұлттық қызметтер жіктеуіші (бұдан әрі – ҰҚЖ) 2008 жылғы Қызметтердің халықаралық стандартты жіктеуішімен (ҚХСЖ-08) үйлестірілген және қазақстандық экономиканың ерекшелігін қамти отырып қолданылатын дағдылардың деңгейі мен мамандануы бойынша қызметтерді жіктейді.

ҚХСЖ-08 құрылымы 4-белгі деңгейінде топтастырылған, қосымша ретінде бір топта әртекті қызметтерді біріктіруді болдырмау үшін және оларды егжей-тегжейлі қамтуды қамтамасыз ету мақсатында жаңа ҰКЖ-не қызметтерді топтаудың 5-ші деңгейі қосылған, нәтижесінде қызметтер 426-дан 1274 топқа кеңейтілді және бөлшектелді.

Егер бұрын біз елде шартты түрде 200 дәрігер дайындау қажеттілігін айтқанмен олардың мамандануын білмесек, қазіргі таңда біз олардың қандай дәрігерлер екенін білеміз – кардиологтар, хирургтар және т.б.

ҰҚЖ облыстардың, Алматы және Астана қалаларының барлық жергілікті атқарушы органдарымен, 21 мемлекеттік органдармен, 38 жұмыс берушілер бірлестіктерімен, Қазақстан Республикасының  Кәсіподақтар федерациясымен, Ұлттық кәсіпкерлер палатасымен және өзге де түрлі ұйымдармен келісілген.

2017 жылдың 11 мамырында ҰҚЖ Қазақстан Республикасының Инвестиция және даму министрілігінің Техникалық реттеу және метрология комитетінің бұйрығымен бекітілді. Күшіне ену мерзімі – 2018 жылдың қаңтар айы.

ҰЛТТЫҚ ҚЫЗМЕТТЕР  ЖIКТЕУIШI

Қосымшада зерделеу мен ақпарат үшін ҰҚЖ бейресми басылымы ұсынылған. Ресми басылымы Нормативтік техникалық құжаттардың мемлекеттік бірыңғай қорында жарияланады.

СӘЙКЕСТЕНДІРУ КЕСТЕСІ

ҰҚЖ және Қызметтердің халықаралық стандартты жіктеушіні 2008 (International Standard Classification of Occupations) қызметтер деректерінің салыстырмалылығы үшін халықаралық деңгейде сәйкестендіру кестесі әзірленді.

Статистика  комитетіне және еңбек нарығының ақпарат жүйесіндегі өткен жылдардың деректерін талдау мүмкіндігін қамтамасыз ету  үшін кәсіптер жіктеуішінің ескі нұсқасы (МҚЖ) мен жана нұсқасының (ҰҚЖ) арасында сәйкесттендіру кестесі әзірленді.

ҰҚЖ мен кәсіби білім беру жүйесі классификаторлары арасындағы сәйкестендіру кестесінің жобасы әзірленді. Нәтижесінде 1123 топ  қызметтері 400-ден астам мамандық пен 1400 біліктілікке сәйкестендірілді. Бұл еңбек нарығы мен білім жүйесінің өзара тығыз байланыс орнатуды, ескірген және жоқ мамандықтарды анықтауды,  халық арасында кәсіптік бағдарды жүргізу мен  саясат үшін ақпараттық негізді қамтамасыз етеді.

Кәсіптер мен мамандықтар арасындағы сәйкестендіру кестесі бойынша жұмыс атқарылуда. Ұсыныстар болған жағдайда төменде көрсетілген байланыстар арқылы хабарласуыңызды өтінеміз.   

Байланысушы тұлға:

Молчановская Александра (7172) 749993
mail: nockz@enbek.kz, nockz2017@gmail.com

22.02.2018
8143