«Еңбек ресурстарын дамыту орталығы» АҚ қызметінің сыбайлас жемқорлық тәуекелін ішкі талдау нәтижелері бойынша талдамалы анықтама

2017ж. 15 желтоқсан                                                                                                 Астана қ.

 

Ішкі талдау объектісінің толық атауы:

«Еңбек ресурстарын дамыту орталығы» Акционерлік қоғамы (әрі қарай –«ЕРДО» АҚ). 2016 жылғы 6-шы сәуірдегі № 482-V «Халықты жұмыспен қамту туралы» Қазақстан Республикасының Заңына сәйкес, «ЕРДО» АҚ еңбек нарығын реттеу және жұмыспен қамтуға жәрдемдесудің белсенді шараларын жүзеге асыруда мемлекет саясатын талдамалы және ақпараттық қолдауды , халықты жұмыспен қамту орталығы және халықты жұмыспен қамту сұрақтары бойынша жергілікті ұйымдарды әдістемелік қолдауды жүзеге асырады.

Ішкі талдау жүргізудің негізі:

«Сыбайлас жемқорлыққа қарсы күрес туралы» Қазақстан Республикасы Заңының 8-ші бабы 5-шы тарамағына, «Құқықтық актілер туралы» Қазақстан Республикасы Заңының 65-ші бабы 3-шы тарамағына және «ЕРДО» АҚ Президентінің 14.12.2016 жылғы № 150 – ө «Сыбайлас жемқорлық тәуекеліне ішкі талдау жүргізу Ережелерін бекіту туралы», «ЕРДО» АҚ Президентінің 27.11.2017 жылғы № 156-п «Сыбайлас жемқорлық тәуекеліне ішкі талдау жүргізу туралы» бұйрықтарына сәйкес.  

Талдау жүргізу мерзімі:

2017 жылдың 27-ші қарашасынан  2017 жылдың 15-ші желтоқсанына дейін.

Ішкі талдау объектісінің қызметін талдау мерзімі:

2016 жылдың 14-ші желтоқсанынан 2017 жылдың 15-ші желтоқсанына дейін.

«ЕРДО» АҚ қызметіне қатысты нормативті-құқықтық актілер :

«ЕРДО» АҚ өз қызметінде ҚР Конституциясын, «Халықты жұмыспен қамту туралы», «Дербес деректерді қорғау туралы», «Ақпараттандыру туралы», «Акционерлік қоғамдар туралы», «Мемлекеттік сатып алулар туралы» ҚР Заңдарын, Қазақстан Республикасының Кәсіпкерлік, Бюджеттік, Азаматтық кодекстерін, «Әкімшілік құқық бұзушылық туралы» Қазақстан Республикасы Кодексін, «Мемлекеттік сатып алуды жүзеге асыру қағидаларын бекіту туралы Ережелерін» басшылыққа алады.

«ЕРДО» АҚ ұйымдастыру-басқару қызметі:

Қызметкерлерді басқару бағыты, соның ішінде кадрлар алмасушылығы бойынша:

2016 жылы штат саны 127 бірлікті құрады. Нақты сан -114 адам.

2017 жылдың 1 желтоқсанында штат саны – 169 бірлік. Нақты сан -137 адам.

2016 жылы алмасушылық 32 адамды құрады, соның ішінде еңбек шартының мерзімі аяқталуына байланысты – 1, өз еркі бойынша – 31.

2017 жылы (2017 жылдың 1 желтоқсанында) – 41 адам, зейнеткерлік жасқа жетуіне байланысты – 1, қызметкерлер санын қысқартуға байланысты – 1, еңбек шартының мерзімі аяқталуына байланысты – 1, өз еркі бойынша – 38.

2016 жылы тәртіптік жауапкершілікке 4 адам тартылды  

-жемқорлық құқық бұзушылық – жоқ;

- «ЕРДО» АҚ сенім білдірмейтін тәртіптік қылықтар – жоқ;

-сотталушылар – жоқ.

«Сыбайлас жемқорлыққа қарсы күрес туралы» Қазақстан Республикасы Заңына, «ЕРДО» АҚ қызметкерлері мен лауазымды тұлғаларының мүдделер қақтығысын реттеу саясатына, «ЕРДО» АҚ іскерлік этикасы Кодексіне сәйкес, адам ресурстарын дамыту басқармасымен, «ЕРДО» АҚ қызметкерлері арасында жемқорлық қызметінің алдын-алуға және сыбайлас жемқорлық заңнамасын қолдану тиімділігін арттыруға бағытталған жұмыстар жүргізілуде.

«ЕРДО» АҚ бірінші рет және қайтадан жұмысқа қабылданған қызметкерлері 2017 жыл 21-ші қарашада «ЕРДО» АҚ директорлар Кеңесінің Шешімімен бекітілген «заңнамамен қорғалатын коммерциялық, қызметтік және басқа да құпиядан тұратын «Еңбек ресурстарын дамыту орталығы» АҚ ақпараттарын қорғау туралы қағидаларға» сәйкес заңмен қорғалатын коммерциялық, қызметтік және басқа да құпияларды жарияламау туралы жазбаша міндеттеме жазады.

«ЕРДО» АҚ сайтында сыбайлас жемқорлыққа қарсы жүргізіп жатқан жұмыстар туралы ақпараттар орналастырылған және азаматтар қызметкерлердің лауазымдық өкілеттілігін асыры пайдалану фактілері туралы хабарлай алатын сенім телефоны көрсетілген.

Мүдделер қақтығысын реттеу бағыты бойынша:

Тікелей басшылығындағы мемлекеттік лауазымдарды жақын туыстарымен (ата-аналарымен (ата-анасымен), балаларымен, асыраушыларымен, асырап алушыларымен, толықтай және толымсыз ағаларымен, апаларымен, аталарымен, әжелерімен, немерелерімен) иелену фактілері және мемлекеттік сатып алулар жүргізу кезінде қосылу фактілері анықталмады.

Талданған мерзімде сыбайлас жемқорлық тәуекелі анықталмады.

Мемлекеттік сатып алулар 2015 жыл 4-ші желтоқсандағы Қазақстан Республикасының «Мемлекеттік сатып алулар туралы» Заңы, Қазақстан Республикасы Қаржы Министрінің 2015 жыл 11-ші желтоқсанындағы № 648 «Мемлекеттік сатып алулар жүргізу ережелерін бекіту туралы» бұйрығы ережелеріне сай жүргізіледі. Тауарларды, жұмыстарды, қызметтерді мемлекеттік сатып алулар электронды түрде мемлекетік сатып алулардың веб-порталы арқылы жүргізіледі және жеткізушімен қандай да бір байланысты болдырмайды. Келісімшарт жасаудың тек қана электронды форматта болуы сатып алынатын тауарлар, жұмыстар, қызметтер туралы толық және сенімді ақпаратты веб-порталда қалыптастыруға және олардың орташа сатып алу бағасын анықтауға мүмкіндік берді. Мемлекеттік сатып алулардың ашықтығына және оңайлатылуына бағытталған электронды келісімдер мен басқа да нормаларды енгізу, сыбайлас жемқорлық тәуекелін ықшамдауға мүмкіндік берді.

Талданған мерзімде сыбайлас жемқорлық тәуекелі анықталмады.

«ЕРДО» АҚ қызмет көрсету бағыты бойынша:

«Халықты жұмыспен қамту туралы» ҚР Заңының 8-ші бабымен, «ЕРДО» АҚ  қызметтер көрсетеді:

1) құзіретті ұйымға халықты жұмыспен қамту мәселелері бойынша қызмет көрсету:

- сұраныс және жұмыс болжамы, еңбек нарығының жағдайын бағалау бойынша;

-кадрларды кәсіби даярлауға мемлекеттік тапсырыс құру бойынша ұсыныстарды жасап шығаруда және кадрлар қажеттілігін болжауды ұйымдастыру және біліктілікті жоғарылату және қайта даярлау бойынша;

-жұмысқа орналасуға жәрдемдесуге бағытталған белсенді шаралардың орындалуын қадағалау, оларды жетілдіру бойынша ұсыныстарды әзірлеу және бағалау бойынша;

-азаматтарды әлеуметтік қолдау және еңбек көші-қоны, жұмыспен қамту мәселелері бойынша ведомствалық статистикалық есепті жинауды ұйымдастыру бойынша;

2) басқа мемлекеттік ұйымдардың ақпараттық жүйелерімен біріктіру және өзара әрекеттестік, әлеуметтік-еңбек саласының ақпараттық жүйелері үшін байланыс каналы мен бағдарламалық-аппараттық құралдарды ұйымдастыруды қоса алғанда, әлеуметтік-еңбек саласының ортақ ақпараттық жүйесін сүйемелдеу;

3) Қазақстан Республикасының жеке деректерді қорғау саласындағы заңнамасының талаптарын ескере отырып, жеке және заңды тұлғаларға әлеуметтік-еңбек саласында ақпараттық және кеңес беру қызметтерін көрсету;

4) әскери қызмет ететіндер, арнайы құқық қорғау және мемлекеттік ұйым қызметкерлерінің отбасы  мүшелерін және де олардың асырауындағыларды халықты жұмыспен қамту мәселелері бойынша құзіретті ұйым анықтаған жағдаймен және тәртіппен жұмыссыз ретінде тіркеу және есептен шығару.

Талданған мерзімде сыбайлас жемқорлық тәуекелі анықталмады.

Сыбайлас жемқорлық тәуекелін ішкі талдау нәтижелері бойынша талдамалы анықтамасы белгіленген тәртіпте «ЕРДО» АҚ сайтында орналастырылатын болады.

2018 жылы желтоқсанда «ЕРДО» АҚ қызметіне ішкі талдау жүргізу қарастырылған.

«ЕРДО» АҚ қызметінде жемқорлық фактісі бойынша жеке және заңды тұлғалардың жүгінуі анықталмағанын айта кету керек.

Ұсыныс:

2018 жылы «ЕРДО» АҚ қызметінде сыбайлас жемқорлық тәуекелін ішкі талдау жүргізу.

 

Басқарма басшысы                                                        _________________   Абенов Д.Ж.

Жетекші маман                                                                _________________   Андержанов Б.К.

Басқарманың бас маманы                                              _________________      Смадилов М.Т.

15.12.2017
765