«Еңбек ресурстарын дамыту орталығы» АҚ мемлекеттік жұмыспен қамту қызметтерінің жұмыскерлері үшін семинар-жиын өткізді

2018 жылғы 27 шілдеде «Еңбек ресурстарын дамыту орталығы» АҚ «Халықты жұмыспен қамту орталықтарының трансформациясы және халықты жұмыспен қамту саласында көрсетілетін қызметтердің аутсорсингі» тақырыбында  семинар-жиын өткізді.

Семинарға Жұмыспен қамтуды үйлестіру және әлеуметтік бағдарламалар басқармалары және аудандар мен қалалардың халықты жұмыспен қамту орталықтарының қызметкерлері қатысты.

«Еңбек ресурстарын дамыту орталығы» АҚ вице-президенті Т. Жаминов семинар барысында қатысушыларды 2017 жылғы халықты жұмыспен қамту орталықтары рейтингінің нәтижелерімен, сондай-ақ, олардың 2018 жылғы I жарты жылдықтағы қызметі мониторингінің қорытындыларымен таныстырды.

Семинарға қатысушылар рейтингтік модельмен және рейтинг көрсеткіштерін есептеудің әдіснамалық тәсілдерімен таныстырылды. 2017 жылғы халықты жұмыспен қамту орталықтары рейтингінің нәтижелері «Еңбек биржасы» интернет-порталында (Enbek.kz) жарияланатын болады.

2018 жылғы 16 сәуірде «Халықты жұмыспен қамту туралы» Қазақстан Республикасының Заңына өзгерістер енгізілді. Оларға сәйкес халықты жұмыспен қамту саласында көрсетілетін қызметтер жұмыспен қамтудың жекеше агенттіктеріне аутсорсингке беріле алады. Семинар барысында қызметтер аутсорсингін іске асыру мәселелері, аутсорсингке қатысуға үміткер жұмыспен қамтудың жекеше агенттіктеріне қойылатын біліктілік талаптары және қызметтер аутсорсингін ұйымдастыру және қаржыландыру механизмдері қарастырылды.

Әлеуметтік-еңбек салаларын мониторингілеу басқармасының меңгерушісі А. Айтқұлов пен Интернет-ресурстарды әкімшілендіру басқармасының бас эксперті У. Маштакова Электрондық еңбек биржасында қызметтер аутсорсингі бойынша бизнес-процестер мен жұмыс әдістерін көрсетті.

Семинарда мемлекеттік жұмыспен қамту қызметтерінің жұмысына қатысты сұрақтар қойылып, оларға «Еңбек ресурстарын дамыту орталығы» АҚ мамандарымен толық қамтылған жауаптар мен түсіндірмелер берілді.

31.07.2018
325