«ЕРДО» АҚ құрамасының ойыншылары «WDC CUP-2018» жеңімпазы атанды
2018 жылдың 9 желтоқсанында «Еңбек ресурстарын дамыту орталығы» АҚ Қазақстан Республикасының Тәуелсіздік күніне орай «WDC CUP-2018» футзал турнирін ұйымдастырды.
Турнирге 3 командадан 2 топқа бөлінген 6 команда қатысты, «А» тобына Қазақстан Республикасы Еңбек және халықты әлеуметтік қорғау министрлігінің орталық аппараты, «Мемлекеттік аннуитеттік компания» өмірді сақтандыру компаниясы»АҚ («МАК» АҚ) және «Еңбекті қорғаудың республикалық ғылыми-зерттеу институты» РМҚК, «Б» тобына - Еңбек, әлеуметтік қорғау және көші-қон комитеті (Комитет), «Мемлекеттік әлеуметтік сақтандыру қоры» АҚ («МӘСҚ» АҚ) және «Еңбек ресурстарын дамыту орталығы» АҚ («ЕРДО» АҚ) командалары түсті.
«ЕРДО» АҚ командасы бірінші ойынды «МӘСҚ» АҚ командасымен өткізді. Кездесу барысында 0:1 есебімен ұтылып тұрып, нәтижесінде ЕРДО футболистері жиналып, тең ойнай алды. Топтағы екінші матч Комитет командасымен ойналды. Ұтылған команда топтан шықпайтын еді. Матч барысында 6 гол соғып, өз қақпасына 2 гол жіберіп, ЕРДО командасы соғылған және өткізіп алған доптардың үздік айырмашылығы бойынша топтан бірінші орын алды.
Жартылай финалда ЕРДО командасы «МАК» АҚ командасымен кездесті. Өткен «Enbek CUP 2018» мини-футбол турнирінде МАК командасы финалда ЕРДО командасымен кездескен болатын. Жалынды күресте 0:2 есебімен жеңіліп тұрып, «ЕРДО» АҚ футболистері табандылық көрсетіп, жеңісті 3:2 есебімен жұлып алды. Финалда ЕРДО командасы «МӘСҚ» АҚ командасымен кездесті. Күрес қарқынды, кей жерлерде қатал да аяусыз болды. Матч көңілсіз және голсыз тең ойынға ұқсаған кезде команда капитаны, соңғы турнирдің үздік ойыншысы Нұрболат Усембаев бұл істі қолға алды. Финалда хит-трик жасап, ол кезекті рет шеберліктің жоғары деңгейін көрсетті. Финалдық ысқырық 3: 1 есебін тіркеді және екінші турнир қатарынан «ЕРДО» AҚ командасы чемпион атанды!
