Жұмыс берушілер бос жұмыс орындары туралы ақпаратты электронды еңбек биржасына міндетті түрде орналастыруы керек

«Халықты жұмыспен қамту туралы» заңға сәйкес, жұмыс берушілер бос жұмыс орындары туралы ақпаратты электронды еңбек биржасына міндетті түрде орналастыруы керек. Бұл жайында Алматы қаласының халыққа қызмет көрсету орталығында еске салды, деп хабарлайды zakon.kz. 

Мәлім болғандай, бос жұмыс орындары пайда болған күннен бастап бес жұмыс күннің ішінде еңбек жағдайы және еңбекақысы туралы мәліметпен қоса жұмыс орны туралы ақпаратты халыққа қызмет көрсету орталығына жазбаша түрде немесе «Еңбек биржасы» мемлекеттік интернет ресурсы арқылы жолдауға болады.

Сондай-ақ, ҚР Еңбек және халықты әлеуметтік қорғау министрінің 2018 жылдың 6 маусымдағы бұйрығына сәйкес, бос жұмыс орындары туралы мәліметтің жазбаша үлгісі өз күшін жойған.

Электронды еңбек биржасының адресі - www.enbek.kz (бос жұмыс орындарын орналастыру туралы ақпаратты «Көмек» бөлімінен алуға болады). Бос жұмыс орындары туралы ақпаратты енгізу үшін жұмыс беруші порталға кәсіпорнын тіркеген кезде электронды цифрлық қолтаңбасын растауы қажет.

Аталған өзгерістер электронды форматтағы қызмет көрсету түрлерін көбейту үшін және жұмыс берушінің шығынын қысқартып, жұмыспен қамту туралы есеп беруін қамту мақсатында енгізілді.

«Сіз жұмыспен қамту орталығына бармай-ақ, қашықтықта отырып бос жұмыс орындары туралы ақпаратты орналастырасыз және жұмыс іздеп жүрген тұлғалардың мәліметтер базасына қол жеткізе аласыз. Электронды еңбек биржасындағы барлық қызмет түрлері тегін ұсынылады. Егер сіздің интернетіңіз жоқ болса, онда халықты жұмыспен қамту орталығының өз-өзіңе қызмет көрсету аймағына барып электронды еңбек биржасының қызметін қолдана аласыз»,- деп мәлімдеді жұмыспен қамту орталығында.

Электронды еңбек биржасын қалай қолданады.

Элеткронды еңбек биржасына тіркелесіз. Тіркелу үлгісін толтырасыз және электронды поштаңызды растайсыз. Сіз үшін «жеке кабинет» құрылады.

Тіркеу барысында көрсетілген логиніңіз бен құпия сөзді есте сақтап қалуыңыз керек. Ол биржаға келесіде кіргенде бос жұмыс орындары туралы ақпарат пен түйіндемелерді бақылап, басқарып отыруға қажет. «Жеке кабинетке» міндетті түрде сіздің ұйым туралы мәліметті енгізу керек.

Электронды еңбек биржасындағы мәліметті дәлелдеу үшін сізге электронды цифрлық қолтаңба қажет (ЭЦҚ).

«Жеке кабинет» ол сіздің меншікті парақшаңыз. Онда сіздің компания туралы ақпарат, жұмыс орындары туралы жариялаған мәтіндер, жұмыс орындарына қатысты келген жауаптар сақталады.

Жұмыс орны туралы ақпаратты қалай орналастырады

«Жеке кабинетке» өтесіз. «Жұмыс орны туралы қосу» қызметін таңдаңыз. Қажетті ақпаратты енгізіп, мәліметтерді сақтап қойыңыз.

Жұмыс орны сақталғаннан соң, сіздің компанияның жұмыс орындары туралы ақпаратты биржа қызметін қолданушылар бірден көреді. Сіздің жұмыс орындары туралы мәлімет «Жеке кабинетте» сақталады.

Жұмысшыны қалай табады

Электронды еңбек биржасында жұмыс іздеп жүргендердің түйіндемесін іздеп табу мүмкіндігі көп, тіпті байланыс мәліметтерін де таба аласыз. Көру режимінде жұмыс іздеушінің түйіндемесін басып шығарып ала-аласыз. Жұмыс орны туралы ақпаратты көргеннен кейін, жұмыс іздеуші сізге түйіндемесін жолдай алады (жұмыс орны туралы мәліметке жауап қатады).

Жұмыс іздеушінің жұмыс орнына қатысты жауаптары сіздің «Жеке кабинетіңізге» келіп түседі. Лайықты үміткерді таңдап алып, «Сұхбаттасуға шақыру» нүктесін баса отырып сіз жұмыс іздеушіні бетпе-бет тілдесуге шақыра аласыз.

 

08.02.2019
79