Қазақстанда Еңбек ресурстарын болжаудың ұлттық жүйесін әзірлейді

Болжамдау және экономика үшін қажет кадрларға сұранысты қалыптастыру үшін құрылған Еңбек ресурстарын ұлттық болжамдау жүйесі Қазақстанда 2019 жылдың соңына дейін әзірленетін болады. Бұл туралы ҚР Еңбек және халықты әлеуметтік қорғау министрлігінің басшысы Бердібек Сапарбаев 28 мамырда Үкімет отырысында мәлімдеді.

«2019 жылдың соңына дейін еңбек нарығында кадрларға қажеттілік болжамын шешу үшін Еңбек ресурстарын ұлттық болжамдау жүйесі құрылатын болады», - деді Б.Сапарбаев.

Сонымен қатар, ол ұлттық жүйенің басты міндеті - еңбек нарығында еңбек ресурстарының ұсыныстарын болжамдау және экономика үшін қажет кадрларға сұранысты қалыптастыру.

«Ұлттық болжамдау жүйесі 2050 жылға дейінгі демографиялық модель, еңбек нарығының 2025 жылға дейінгі макроэкономикалық моделі және алдағы екі жылға қысқа мерзімді болжам  негізінде  үш деңгейлі әдістемеде құрылады» , - деп түсіндірді Еңбек министрі.

Ұлттық болжамдау жүйесінің нәтижелері техникалық және кәсіптік, сондай-ақ жоғары және жоғары оқу орнынан кейінгі білімі бар мамандарды даярлауға мемлекеттік білім беру тапсырысын қалыптастыру кезінде қысқа мерзімді даярлау және қайта даярлау ұйымдарында пайдаланатын болады деп болжануда.

Сонымен қатар, біліктілік жүйесін одан әрі дамыту үшін Министрлік халықаралық сарапшыларды тарта отырып, Ұлттық біліктілік жүйесін дамыту жөніндегі 2025 жылға дейінгі жол картасын әзірлеуде.

Қазақстан Республикасының Президенті Қ.К.Тоқаев ағымдағы жылғы 17 мамырда Үкіметтің алдына мемлекеттің жұмыспен қамту саясатын іске асыру бойынша жеті негізгі міндеттер қойды. Міндеттердің бірі елдің экономикасын құзіреттілік пен ұтқырлықтың жоғары деңгейін меңгерген білікті мамандармен қамтамасыз ету болып табылады.

Қазақстанда 8 біліктілік деңгейін айқындайтын Ұлттық біліктілік шеңбері қабылданды. 2018 жылғы қаңтардан бастап жан-жақты толықтырылған жаңа кәсіптер классификаторы қолданысқа енгізілді, онда 12 мың кәсіп пен лауазым қамтылған.

Қазіргі уақытта 106 кәсіптік стандарт әзірленді (2016 ж. – 36, 2018 ж. - 70), оларда жұмыс берушілер жұмыскерлердің біліміне, дағдылары мен құзыретіне қоятын талаптары көрсетілген. Ағымдағы жылы 12 басым сала бойынша 480 кәсіптік стандарт пен 38 салалық шеңберді әзірлеу және бекіту жоспарланып отыр.

Сонымен қатар, Министр сертификаттау және біліктілікті танудың бірыңғай жүйесіне өту үшін басқарудың 3 сатылы моделін енгізу жоспарланып отырғандығын хабарлады: Біліктілік жөніндегі ұлттық кеңес – Ұлттық біліктілік органы – салалық кеңестер.

Ол сондай-ақ, сертификаттау және біліктілікті тану жүйесінің жұмыс істеуі үшін жауапкершілік Ұлттық біліктілік органына жүктелетінін атап өтті.

«Министрлік қойылған мақсатқа жыл соңына дейін жету үшін мемлекеттік органдармен және Ұлттық палатамен бірге кәсіптік біліктілік жөніндегі заң жобасының тұжырымдамасын әзірлейді», - деді Б. Сапарбаев. 

28.05.2019
50