Жұмыспен қамту проблемалары жөніндегі ақпараттық-талдау орталығының тарихы

Қазақстан Республикасы Үкіметінің 1999 ж. 15 ақпандағы № 125 қаулысы негізінде «Қазақстан Республикасы Еңбек және халықты әлеуметтік қорғау министрлігінің Жұмыспен қамту жөніндегі ақпараттық-талдау орталығы» РМҚК 1999 жылы маусым айында құрылды (Астана қаласында).

«Қазақстан Республикасы Еңбек және халықты әлеуметтік қорғау министрлігінің Жұмыспен қамту жөніндегі ақпараттық-талдау орталығы» республикалық мемлекеттік қазынашылық кәсіпорынның қызмет нысандары Республика ауқымында жұмыспен қамту және кедейшілік проблемалары бойынша мәліметтерді жинау, өңдеу және талдау; жұмыспен қамту және кедейшілік жөнінде ақпараттық жүйені әзірлеу, сүйемелдеу және қолдау қызметтерін көрсету болып табылады.Орталықтың басты қызметтерінің бірі ҚР Еңбек және халықты әлеуметтік қорғау министрлігінің ақпараттық қауіпсіздігін қамтамасыз ету, министрлікті компьютерлендіру және компьютер паркіне техникалық қызметтер көрсету, коммуникациялық байланыс ұсыну.

«ЖҚЖ АТО» РМҚК құрылған уақытынан бері ҚР жұмыспен қамту және әлеуметтік қорғау уәкілетті органдарына (ЖҚӘҚУО) келесі ақпараттық жүйелерді әзірледі және енгізді: Жұмыспен қамту, Атаулы әлеуметтік көмек, Мемлекеттік балалар жәрдемақысы, Шетел жұмыс күші мониторингі. ЖҚӘҚУО ақпараттары бойынша республикалық біртұтас жұмыссыздар және бос жұмыс орындары дерекқорын жасады. Орталықтың айтарлықтай жетістігі Еңбек және халықты әлеуметтік қорғау министрлігінің - «Еңбек» сайтын жасап және оны қолдау жұмыстарын атқаруда.

Қазақстан Республикасы Үкіметінің 2011 ж. 28 қазанында № 1226 қаулысымен «Қазақстан Республикасы Еңбек және халықты әлеуметтік қорғау министрлігінің Жұмыспен қамту жөніндегі ақпараттық-талдау орталығы» республикалық мемлекеттік қазынашылық кәсіпорыны «Жұмыспен қамту проблемалары жөніндегі ақпараттық-талдау орталығы» акционерлік қоғам (бұдан әрі - «ЖҚЖ АТО» АҚ) болып қайта құрылып 2012 ж. 4 қаңтарында әділет органынан мемлекеттік тіркеуден өтті.

«ЖҚЖ АТО» АҚ қызметінің мақсаты еңбек нарығының тиімділігін дамытуға үлес қосу, жұмыспен тұрақты және нәтижелі қамту, экономикалық белсенді халықтың өсу динамикасын талдау қызметтерін орындауға ат салысу. Қоғамның қызмет нысандары жүйелік және салыстырмалы талдауларды жүзеге асыру, зерттеу жұмыстарын жүргізу, халықты жұмыспен қамту және әлеуметтік көмек көрсету саласында мемлекет саясаттының өзекті мәселелерін іске асыру барысында ұсыныстарды өңдеу болып табылады.

Қазақстан Республикасы Үкіметінің 2016 жылғы 1 шілдедегі № 391 қаулысымен «Жұмыспен қамту мәселелері жөніндегі ақпараттық-талдау орталығы» акционерлік қоғамы «Еңбек ресурстарын дамыту орталығы» акционерлік қоғамы болып аталды.

Еңбек нарығын реттеу және жұмыспен қамтуға жәрдемдесудің белсенді шараларын іске асыру жөніндегі мемлекеттік саясатты ақпараттық және талдамалық қолдауды, жергілікті органдар мен халықты жұмыспен қамту орталықтарын халықты жұмыспен қамту мәселелері бойынша әдіснамалық қолдауды қамтамасыз ету орталық қызметінің нысанасы болып табылады.

28.04.2015
5051