Конституция күніне орай ЕРДО-ның 15 қызметкері құрмет грамотасымен марапатталды

Еңбек ресурстарын дамыту орталығының президенті Тамара Дүйсенова Қазақстан Республикасының Конституциясы күніне арналған салтанатты жиын өткізді.

ЕРДО басшысы жиналғандарды келе жатқан мерекемен құттықтап, Қазақстанның елдігі мен егемендігін нығайтудағы, оның тұрғындарының құқықтары мен бостандықтарын анықтаудағы Конституцияның маңызды рөлін атап өтті.

«Еліміздің Ата Заңы қабылданғаннан бері 24 жылдың ішінде Қазақстан қалыптасу мен дамудың күрделі жолын өткерді. Конституция біздің тәуелсіздігіміздің берік тірегіне, табысты дамудың және Қазақстанның жоғары халықаралық беделінің кепіліне айналды. Соңғы жылдары Қазақстан даму жолында айтарлықтай белестерге жетті: жалақы, зейнетақы мен әлеуметтік төлемдер бірнеше есе өсіп, жұмыссыздық азайды. Бұл Елбасымыз Нұрсұлтан Әбішұлы Назарбаевтың сарабдал саясаты және еліміздің гүлденуіне өлшеусіз үлес қосқан барша қазақстандықтардың арқасында мүмкін болды », - деді Тамара Дүйсенова.

Сонымен қатар, ЕРДО қызметкерлерін мемлекеттік мерекемен белгілі саясаткер, журналист, саяси ғылымдардың докторы, ҚР Президенті жанындағы Мемлекеттік басқару академиясының профессоры, ҚР Парламентінің бұрынғы депутаты Қуаныш Сұлтанов құттықтады.

Салтанатты жиын соңында ЕРДО қызметкерлері ҚР Премьер-Министрінің орынбасары Бердібек Сапарбаевтың, ҚР Еңбек және халықты әлеуметтік қорғау министрі Біржан Нұрымбетов пен компания президенті Тамара Дүйсенованың атынан құрмет грамоталарымен марапатталды.

29.08.2019
22