«ЕРДО» сарапшысы – кәсіптік стандарттарды енгізу Қазақстан экономикасының тиімділігін арттыра түседі

Кәсіптік стандарттарды енгізу нақты салаларға қажетті жоғары білікті кадрларды даярлау арқылы Қазақстан экономикасының тиімділігін айтарлықтай арттырады. Бұл пікірді «Еңбек ресурстарын дамыту орталығы» АҚ (бұдан әрі ЕРДО) біліктілік жүйесін дамыту департаментінің басқарма басшысы Азамат Нұрпейісов білдірді.

Өздеріңізге белгілі, 2012 жылы Елбасы Нұрсұлтан Назарбаев дамыған 30 елдің қатарына қосылу қадамдарының бірі ретінде Ұлттық біліктілік жүйесін (бұдан әрі - ҰБЖ) әзірлеуді тапсырды. ҰБЖ салалық біліктілік шеңберінен (бұдан әрі - СБШ), сондай-ақ жұмыс берушілерге де, жалдамалы қызметкерлерге де қажет кәсіби стандарттардан тұрады.

«Кәсіби стандарттар жұмыс берушіге қызметкердің қандай функциялар мен міндеттерді орындайтынын белгілеу, сондай-ақ, қажетті дағдылар мен білім жиынтығын анықтау үшін қажет. Қызметкер үшін олар экономикаға не қажет, қай бағытта дамыу керек екенін түсінуге мүмкіндік береді », - деді Азамат Нұрпейісов.

Сонымен бірге, ол кәсіби стандарттар білім беру бағдарламаларының негізін құрайтындығын атап өтті. Осылайша, еңбек нарығының барлық қатысушылары арасында қарым-қатынасқа қол жеткізіледі.

«Қазіргі уақытта экономикадағы жоғары білікті кадрлар тек 11% құрайды, бұл жеткіліксіз. Жалпы ұлттық біліктілік жүйесін, атап айтқанда, кәсіби стандарттарды енгізудің арқасында ел экономикасының тиімділігі арта түсуі керек, өйткені нақты салада қажет кадрларды даярлау үрдісі қамтамасыз етеді », - деді Нұрпейісов.

ЕРДО базасында жобалық кеңсе құрылды, ол кәсіби стандарттарды әзірлеу және бекіту үдерісіне барлық қатысушылар арасындағы жұмысты үйлестіреді.

«Біздің жобалық кеңсе – бұл барлық қатысушылар кездесулер өткізе алатын және өзекті мәселелерді шешетін алаң. Ол осы жұмыстың барлығын жеделдету және тиімділігін арттыру үшін құрылған. Жыл соңына дейін 480 кәсіби стандарт пен 36 салалық біліктілік шеңбері әзірленуі керек. Қазіргі уақытта 31 СБШ мақұлданып, тағы 5-і бекітілу үстінде. Кәсіби стандарттар мемлекеттік органдар арасында үйлестірілді және біз оларды жыл соңына дейін бекітуді жоспарлап отырмыз », - деді Нұрпейісов.

17.09.2019
44