ҚР Еңбекмині мемлекеттік қызметтерді орындаудың әрбір кезеңін бақылай алатын болады

Еңбек ресурстарын дамыту орталығы (бұдан әрі – ЕРДО) «Мемлекеттік қызметтер треккингі» электрондық жүйесін (бұдан әрі – жүйе) әзірледі, ол нақты уақытта мемлекеттік қызметтер көрсетудің әрбір кезеңі туралы ақпарат алуға мүмкіндік береді.

Бұл жүйе ҚР Еңбек және халықты әлеуметтік қорғау министрлігінің (бұдан әрі – ҚР Еңбекмині) мемлекеттік қызметтері бойынша статистикалық деректерді құруды автоматтандыру үшін әзірленді. Министрлік қызметкерлері келіп түскен өтінімдердің барысын онлайн режимде қадағалап, оларды орындаудың барлық циклін талдай алады және қажетті есептерді қалыптастырады.

Қазір жүйе арқылы 34 қызметтің 26-ын, оның ішінде әлеуметтік төлемдер мен жәрдемақыларды тағайындауды, Бірыңғай жинақтаушы зейнетақы қорының салымшысы мен міндетті әлеуметтік сақтандыру жүйесіне қатысушы қаражатының түсуі мен қозғалысы туралы ақпаратты, оралман мәртебесін беруді, мүгедектікті және еңбек ету қабілетінен айрылу дәрежесін белгілеуді және басқаларды бақылау мүмкіндігі бар.

Алайда, кезеңдер саны әртүрлі болу мүмкін. Сондықтан қазіргі уақытта барлық қызметтер үшін ағымдағы мәртебені кезең-кезеңімен анықтау толық іске асырылған жоқ.

 «Қазіргі уақытта жүйе жұмыс істеуде және белгілі бір қызметтерге қатысты барлық қадамдар тіркелген. Бірақ кейбір қызметтердің тек басталу және аяқталу күнін ғана қадағалауға болады. Барлық жүйелер бойынша толыққанды мәртебелер ақпараттық жүйелердің жаңа платформаға көшуі жүзеге асырылғаннан кейін жұмыс істейтін болады. Ал кейбір қызметтердің тек 2 қадамы ғана бар», – деді МО АЖ-мен ақпараттық өзара іс-қимыл және ЕРДО сервистерінің жұмысқа қабілеттілігін қамтамасыз ету департаментінің директоры Тәуке Болатбаев.

ЕРДО-да 2020 жылдың бірінші тоқсанының өзінде-ақ Еңбекминінің құрылымдық бөліністері басшылары жүйеге қол жеткізе алады деп күтілуде, бұл мемлекеттік қызметтер көрсетудің ашықтығын қамтамасыз етеді, сапаны арттырады және оларды ұсыну бойынша мерзімін өткізіп алу ықтималдығын азайтады.

«Уақытында орындалмау қызмет көрсетудің кез келген кезеңінде орын алуы мүмкін. Егер қандай да бір қадамда маман өз жұмысын уақытында аяқтамаса – мерзімін өткізіп алу туралы хабарлама дереу трекингте көрініс табады және міндеттемелер мерзімінде орындалмаған кезең көрінетін болады. Егер тізбектегі әлдебіреу жұмысын алдын-ала аяқтаса, бұл қызметтің толық тоқтатылуына әсер етпеуі мүмкін», – деді Тәуке Болатбаев.

Сондай-ақ, қызметті алушы болып табылатын «электрондық үкімет» порталын пайдаланушының жеке кабинетіне өтінім барысы туралы ақпаратты беруді іске асыру бойынша жұмыс жүргізілуде. Қазіргі уақытта жүйені пайдалану бойынша регламенттер келісіліп, құралды тестілеу және пысықтау жүзеге асырылып жатыр.

28.11.2019
1513