Т.Дүйсенова әріптестерін Тәуелсіздік күнімен құттықтады

Салтанатты іс-шара барысында «Еңбек ресурстарын дамыту орталығы» АҚ-ның (бұдан әрі – ЕРДО) 12 қызметкері Құрмет грамоталарымен және төсбелгілермен марапатталды.

ЕРДО-да Қазақстан Республикасының Тәуелсіздік күніне арналған салтанатты жиын өтті.

Компания президенті Тамара Дүйсенова барлық қазақстандықтар үшін еркіндік пен бірлікті бейнелейтін айтулы күннің маңыздылығын айқындап, барлық қатысушыларды мемлекетіміздің басты ұлттық мерекесімен құттықтады.

«Ширек ғасырдан астам уақыт бұрын еліміз тәуелсіздікке қол жеткізді. Осы уақыт ішінде көптеген реформалар мен модернизациялар, дамудың жедел қарқыны сияқты қиын кезеңдерді бастан кешірдік. Бүгінде қол жеткізіп отырған барлық жетістіктеріміз – бұл әрбір қазақстандықтың, әрбір патриоттың еңбегі деп есептеймін. Қазірдің өзінде де біз алдымызға биік мақсаттар қоюды тоқтатқан жоқпыз және ол межеге бірліктің, үлкен мүмкіндіктердің, тәуелсіздіктің арқасында ғана қол жеткізе аламыз», – деді Тамара Дүйсенова.

ЕРДО қызметкерлерінен бөлек, салтанатты шараға ҚР Парламенті Сенатының депутаттары Әли Бектаев пен Нұрторе Жүсіп, сондай-ақ еңбек ардагерлері Алмакүл Даутова мен Әбдікәрім Төреқұлов қатысты. Шара қонақтары мекеме қызметкерлеріне жылы лебіздерін білдіріп, Қазақстан игілігі жолындағы қызметіне толағай табыстар тіледі.

Іс-шараның қорытынды бөлімінде ЕРДО АҚ қызметкерлері «Әлеуметтік еңбек саласының үздігі» төсбелгілерімен, ҚР Еңбек және халықты әлеуметтік қорғау министрі Біржан Нұрымбетовтің грамоталарымен, сонымен қатар Еңбек ресурстарын дамыту орталығы АҚ президенті Тамара Дүйсенованың грамоталарымен марапатталды.

13.12.2019
1386