«Еңбек ресурстарын дамыту орталығы» АҚ-ның жаңа басшысы тағайындалды

Бүгін ҚР Еңбек және халықты әлеуметтік қорғау министрі Біржан Нұрымбетов «Еңбек ресурстарын дамыту орталығы» АҚ ұжымына жаңа басшыны таныстырды. Енді орталықты Ербол Дүйсебайұлы Оспанов басқаратын болады. Бұған дейін ол «ЕРБО» АҚ-ның бірінші вице-президенті қызметін атқарған.

Естеріңізге салсақ, ҚР Президентінің Жарлығымен орталықтың бұрынғы басшысы Тамара Дүйсенова ҚР Президентінің көмекшісі – ҚР Президенті Әкімшілігінің Өтініштерді қарауды бақылау бөлімінің меңгерушісі болып тағайындалды.

Ербол Оспанов 1977 жылғы 16 қаңтарда дүниеге келген.  1998 жылы «Қолданбалы математика» мамандығы бойынша әл-Фараби атындағы Қазақ Ұлттық университетін, 2002 жылы «Қаржы және несие» мамандығы бойынша Қазақ Ұлттық аграрлық университетін оқып бітірді.

Еңбек өтілін «Казгипрожелдортранс» ААҚ жетекші маманынан бастап, «КазНИИЖТ» ААҚ жоба басқарушысы, «ЦИФС» АҚ жетекші инженер-жобалаушы, «НИТ» АҚ орталығының директоры, «Зерде» АҚ ҰАКХ басқарушы директоры болып қызмет атқарды, «ЗТМО» РМҚК бас директорының орынбасары лауазымына тағайындалды. 2016 жылдың 4 сәуірінен бастап Қоғамның бірінші вице-президенті лауазымына тағайындалды. 2019 жылдың 22 ақпанынан бастап Қоғамның президенті болып тағайындалды. 2019 жылдың 16 шілдесінен бастап Қоғамның бірінші вице-президенті лауазымына тағайындалды.

12.05.2020
30