Алматы кембағал жандарға бейімделген нысандар саны бойынша көш бастап тұр

Қазақстанда мүмкіндігі шектеулі адамдардың қажеттіліктері үшін 32 мыңнан астам нысан бейімделді

Қазақстанда 700 мыңға жуық мүмкіндігі шектеулі адам тұрады, бұл ел халқының 3,73 %-ы. Бүгінде «Мүгедек адамдарды әлеуметтік қорғау» порталында (https://inva.gov.kz/) олардың ыңғайлылығы үшін қала, аудан және елді мекендердегі барлық бейімделген нысандардың қолжетімділігі туралы ақпарат жарияланады.

Бүгінгі таңда жүйеде республика бойынша 32 мыңнан астам бейімделген нысандар көрсетілген. Атап айтқанда, тірек-қимыл аппараты бұзылған адамдарға – 32 491 нысан, көру қабілеті бұзылған адамдарға – 32 477, есту қабілеті бұзылған адамдарға – 21 168, арбамен қозғалатын адамдарға – 32 547 нысан қолжетімді.

Бейімделген объектілердің ең көп саны Алматыда – 3217, сондай-ақ Түркістан (3137), Атырау (3011) және Шығыс Қазақстан (2580) облыстарында.

Порталға yandex картасы біріктіріліп, сол арқылы бейімделген нысандар жайлы ақпаратты табуға және қарауға болады. Сондай-ақ, «пікірлер» функционалы іске қосылды. Онда азаматтар объектілердің қолжетімділігі бойынша өз пікірін қалдыра алады.

Мүмкіндігі шектеулі азаматтар «Мүгедек адамдарды әлеуметтік қорғау» порталы (https://inva.gov.kz/)  арқылы алдын ала үйден бейімделген нысандарды көре алады және таба алады.

30.06.2020
30