WDC азаматтардың деректер қоры кибершабуылдан қалай қорғалатынын айтып берді

Қазақстандықтардың деректер қорының қауіпсіздігін қамтамасыз ету үшін отандық вирусқа қарсы бағдарламалар пайдаланылады

WDC (ҚР Еңбек Министрлігі жанындағы Еңбек ресурстарын дамыту орталығы) «құмсалғыш» деп аталатын Sandbox санатына жататын кезекті өнімді сынақтан өткізуде. Бұл жаңа зиянды бағдарламаларға (вирустардың) қарсы бағытталған ақпараттық қауіпсіздік саласындағы отандық – tLab өнімі.

tLab-та ең бастысы – бұл мінез-құлық немесе белсенді технология, ол компьютерде белгілі вирусты іздеу емес, пайдаланушылардың компьютеріне дейін жаңа және белгісіз вирустарды анықтауға және бұғаттауға бағытталған.

Аталмыш отандық өнім 2019 жылғы қаңтардан бастап 2020 жылғы ақпанға дейін 12 айдан астам уақыт бойы пилоттық сынақтан өтті. Осы аралықта зиянды бағдарламалық қамтамасыз етуді (бұдан әрі - ЗБҚ) пайдалана отырып кибершабуылдарды анықтаудың жоғары тиімділігін көрсетті. Тестілеу кезеңінде tLab пошта трафигінің файлдарын BCC режимінде Mail Transfer agent арқылы тексерді.

Қазіргі уақытта tLab 513 000 файлды мінез-құлық деңгейінде сәтті талдады.

Пилоттық тестілеу барысында tLab өнімі (бұдан әрі – құмсалғыш) WDC-ның (ҚР Еңбек Министрлігі жанындағы Еңбек ресурстарын дамыту орталығы) ішкі IT-инфрақұрылымында «желілік құрт» санатының зиянды бағдарламасын анықтады және жойды.

15.07.2020
72