7 мыңға жуық қазақстандық Әлеуметтік қызметтер порталынан тапсырыс алды

Әлеуметтік қызметтер порталында жеке көмекшінің, ымдау тілі маманының қызметтеріне тапсырыс беру және санаторий-курорттық емделуге құжаттарды ресімдеу 2020 жылдың үшінші тоқсанында қол жетімді болады

WDC (Workforce Development Centre - Еңбек ресурстарын дамыту орталығы) мемлекеттік қызметтерді проактивті форматта көрсету бойынша жұмысты жалғастыруда.

Естеріңізге салсақ,  Әлеуметтік қызмет порталы https://aleumet.egov.kz 2020 жылдың 1 қаңтарынан бастап пилоттық режимде іске қосылды. Бүгінде порталда 5 бизнес-үдерістің 2-і жүзеге асырылады.

Порталда жеке бейімделуді қажет етпейтін 24 техникалық оңалту құралдары бар. Тағы 31 ОТҚ осы жылдың екінші жартыжылдығында енгізіледі.

2020 жылдың 26 наурызынан бастап үйден шықпай, тек SMS-хабарламаларды пайдалана отырып, мүмкіндігі шектеулі адамдар протездік-ортопедиялық көмек, гигиеналық, тифлотехникалық және сурдотехникалық құралдар алу үшін құжаттарды ресімдейді.

Қазіргі уақытта 6 836 қамқоршы мен мүмкіндігі шектеулі адамдар әлеуметтік қызметтер порталында тапсырыс берілген құралдарды сәтті алды.

Сонымен қатар, жеке көмекшінің (жүріп-тұруы қиын бірінші топтағы мүгедектер үшін), ымдау тілі маманының (есту бойынша мүгедектер үшін) қызметтерін алуды және санаторий-курорттық емделуге құжаттарды ресімдеуді 2020 жылдың үшінші тоқсанының соңына дейін пилоттық режимде іске қосу жоспарлануда.

Бұдан бұрын хабарланғандай, ағымдағы жылы оңалту тауарлары мен қызметтері портал арқылы да, мемлекеттік сатып алу арқылы да ресімделеді. Порталға толық көшу 2021 жылдан бастап күтілуде.

WDC мүмкіндігі шектеулі адамдар мен олардың қамқоршыларына әлеуметтік қызметтер порталын пайдалануға шақырады. Бұл уақытты үнемдейді және қажетті қызметтер мен құралдарды алуды ыңғайлы етеді.

 

29.07.2020
28