5,6 мыңнан астам адам проактивті форматта оңалту құралдары мен қызметтеріне құжаттар ресімдеді

«Еңбек ресурстарын дамыту орталығы» АҚ (бұдан әрі – «ЕРДО» АҚ) ағымдағы жылдың наурыз айында мүгедектігі бар адамдар үшін оңалту құралдары мен қызметтерін алу үшін құжаттарды проактивті форматта ресімдеу мүмкіндігін іске асырды. 13 қарашадағы жағдай бойынша бұл қызметті 5 680 адам пайдаланған.

2020 жылдың 26 наурызынан бастап мүгедек адамдар бір ғана SMS-хабарлама арқылы протездік-ортопедиялық көмек, сурдо-тифлотехникалық және міндетті гигиеналық құралдар, кресло-арбалар, жеке көмекшінің, ымдау тілі мамандарының және санаторий-курорттық емдеу қызметтерін алу үшін құжаттарды ресімдеу мүмкіндігін алды.

Қажетті құжаттарды ресімдегеннен кейін тиісті қызметке үйден шықпай-ақ, әлеуметтік қызметтер порталы (бұдан әрі – Портал) арқылы тапсырыс беруге болады. Аталған сервис биылғы жылы да жұмысын бастады – 1 қаңтардан бастап «ЕРДО» АҚ Еңбек және халықты әлеуметтік қорғау министрлігінің тапсырысы бойынша оны пилоттық режимде іске қосты.

Қазіргі уақытта порталда жеке іріктеуді талап етпейтін оңалту техникалық құралдарының (бұдан әрі – ОТҚ) 55 түрінің 24-і қолжетімді. Жеке іріктеуді талап ететін ОТҚ-ның қалған түрлері 2021 жылы порталға ауыстырылатын болады.

Іске қосылған сәттен бастап порталда көрсетілетін қызметтерді 21,5 мыңнан астам мүгедектігі бар адам алды.

Бұдан басқа, Порталдың көрсетілетін қызметтер спектріне табысы аз отбасылар үшін кепілдік берілген әлеуметтік топтаманы беру мүмкіндігі кіреді, оны қазірдің өзінде 12 мыңға жуық отбасы пайдаланды.

Қазіргі уақытта порталда арнаулы әлеуметтік қызметтер көрсететін 770-тен астам медициналық – әлеуметтік мекемелер (бөлімшелер), ОТҚ – ның 25 өнім жеткізушісі, 160 жеке көмекшінің, 50 ымдау тілінің, 29 санаторий-курорттық емдеудің қызметін жеткізушілер және кепілдік берілген әлеуметтік топтаманың 111 өнім жеткізушілер тіркелген.

Естеріңізге сала кетейік, мүгедектігі бар адамдар үшін әлеуметтік қызметтердің проактивті форматқа көшуі Тұңғыш Президент – Нұрсұлтан Назарбаевтың 2018 жылғы 5 қазандағы Қазақстан халқына Жолдауын, сондай-ақ Мемлекет Басшысы Қасым-Жомарт Тоқаевтың 2020 жылғы 4 наурыздағы «Цифрлық Қазақстан» мемлекеттік бағдарламасын іске асыру жөніндегі тапсырмасын орындау шеңберінде жүргізілуде.

13.11.2020
43